Kiswahili kwanza
Kila kitu tunachojenga huanza kwa Kiswahili, kisha kutafsiriwa. Si kinyume chake.
Ilianzaje
Mwaka 2025 tulikuwa tukijenga tovuti kwa wakala wa nyumba Masaki. Tulipoona timu yake ikitumia nusu ya siku barabarani kuonyesha nyumba kwa wateja waliokuwa hawajajua wanachotaka, tuliuliza swali rahisi: kwa nini mteja asione nyumba nzima kabla ya kupanda gari?
Suluhisho zilizokuwepo zilikuwa ghali, za Kiingereza pekee, na zilihitaji intaneti ya kasi ambayo watumiaji wetu hawana. Tuliamua kujenga yetu.
Tunachoamini
Zana za mtandao za Afrika Mashariki lazima zijengwe kwa mazingira halisi ya Afrika Mashariki — simu za bei nafuu, data ya kulipia kwa bando, Kiswahili kama lugha ya kwanza, na malipo ya simu. Si toleo lililopunguzwa la bidhaa ya Ulaya.
Misingi
Tunavyofanya kazi
Nyepesi kwa lazima
Tunapima kila kipengele kwa 3G. Kama hakifanyi kazi Mikocheni saa nane mchana, hakiendi hewani.
Bila mikataba mirefu
Ghairi wakati wowote. Kama bidhaa ni nzuri, hutahitaji kufungwa.
Data ni yako
Ziara zako, picha zako, wateja wako. Tunahifadhi kwa mujibu wa PDPA 2022 na hatuuzi kwa mtu yeyote.
Timu
Watu sita, ofisi moja Mikocheni
Asha Mwanri
Mwanzilishi mwenza
Juma Kessy
Mwanzilishi mwenza
Neema Shirima
Ubunifu
Baraka Mushi
Uhandisi
Zawadi Lyimo
Wateja
Hamisi Ally
Panorama
Ajira
Tunatafuta watu wawili
Mhandisi wa frontend na mtu wa wateja. Ofisi ni Mikocheni, si mbali.